مــَن هـُوَ فـِـرعـُــون نَــبِيُّ اللهِ مـُوسَى بالتحديــــد ؟

القرآن بيلخص القصه في سطرين
" وفى موسى إذا أرسلناه إلى فِرْعَوْن بسلطان مبين
فتولى بركنه وقال ساحر أو مجنون
فأخذناه وجنوده فنبذناهم فى اليم وهو مليم "
( 4 ) الذّاريات
وفى الآية ( 25 ) من سورة النازعات يقول تعالى :
" فأراه الآية الكبرى فكذّب وعصى ثم أدبر يسعى فحشر فنادى
فقال أنا ربكم الأعلى فأخذه الله نكال الآخرة والأولى "

والآثار المصرية بتزخر بأدلّة كثيرة بتؤكّد
أن رمسيس الثانى هو الفِرْعَوْن اللي ألّه نفسه حال حياته
ففرض على الناس عبادته وقدم القرابين لتماثيله
" وقال فِرْعَوْن يا أيها الناس ماعلمت لكم من إله غيرى "
( 38 ) القصص
وفي كمان رسوم على جدران المعابد الفرعونية
بتبيّن قارع الطّبل وهو بيتعبّد لرمسيس الثانى
وتصوّر الوزير ( رَعْ حُتُبْ ) وهو بيتعبّد له وبيقول :
رمسيس حاكم الحكّام والإله الأكبر وسيّد السّماء
ورمسيس الثاني هو الوحيد اللي وضع إسمه فى محراب الآلهة
و حشَر تمثاله بينها بصفته إله
وحصل ده فى معبد السّبوعة ومعبد أبو سمبل الكبير
كمان نحت عشرات التماثيل اللي بتجمعه مع الآلهة
بصفته إلهاً مثلها
*
كما أن وصف
" و فِرْعَوْن ذى الأوتاد "
اللى جاء فى القرآن الكريم
ينطبق تماماً على شخص رمسيس الثانى بالذّات
حتى أن الأوتاد كمان
هى الإبر الصخرية العظيمة
اللي سماها العرب خطئاً مسلاّت
بالظبط زي ما أخطأوا لمــّا ظنّوا المعابد في مدينة طيبة بإنها قُصور
فسمّوا المدينة بالأقْصُر
وهى فى حقيقتها معابد
ولو وضعنا وتَداً بجانب صورة مسلّة مقلوبة
لقينـــا الحقيقه تشابه تامّ فى الأبعاد والشّكل والمنظر
طيب ما بالكم لو عرفنا
أن رمسيس الثانى أقام في فترة حُكمه
مايزيد عن 35 مسلّة
فى وقت أن كل الفراعين العشرة اللي سبقوه
أقاموا 33 مسلّة فقط
أكيد يبقى
هو
الفِرْعَوْن صاحب أكبر عدد من الأوتاد
فاستحقّ الوصف بأنه
" و فِرْعَوْن ذي الأوتاد "

و رمسيس الثانى هو
الفِرْعَوْن اللي ينطبق عليه
قوله تعالى في القرآن الكريم :
" ودمّرنا ماكان يصنع فِرْعَوْن وقومه وماكانوا يعرشون "
( 137) الأعراف
ده كمان هو الفِرْعَوْن الوحيد اللي حصله دمار فى آثاره أثناء حياته
ومش بفعل القِدم أو مرّ الأزمنة والعصور
وحصل كده بالفعل
فى أثرين كان رمسيس الثانى بيعتز بيهم ومش أى اعتزاز كمان
فمعبد أبو سنبل الكبير الذي بيعتبره علماء الآثار أعظم بناء
أقامه إنسان فى العصر ده
أقامه رمسيس الثانى علشان يُقيم فيه إحتفالاتٍ ضخمة
بمناسبة مرور ثلاثين سنه عليه فى الحكم
ويادوب مامرش بضعة شهور على الإحتفال الكبير
لحد ما زلزال شديد ضرب المنطقة فحصل دمار كبير فى المعبد
!!!!
طيب نقطة أخيرة ومعجزة وهى قوله تعالى :
" فاليوم ننجّيك ببدنك لتكون لمن خلفك آية "
( 92) يونس
فتأكيداً للي قالوه المفسّرين عن معجزة الإبقاء
على بدن الفرعون ده ناجية من الإغراق مرّة
ومن التّلف على إيد الزّمن كله مرّات
هنلاقي أن الآية الحقيقية المقصودة هى
اليد اليسرى لموميا رمسيس التانى اللى ارتفعت لوحدها وتلقائي
عند قص لفايف الكتان واللى كانت بتضمها كمان الى الصدر

والحقيقه ان العِلْم

ما استطعش أنه يفسّر لنا
ازاى ذراع محنّطة ومشدودة بقوّة للصدر
لفترة تزيد عن 3200 سنة
وكمان بتحتفظ بخاصية مرونة ومطّاطية العضلات
بحيث أنها مرفوعه كمان لأعلى
في الوضع المُغاير لجميع مومياوات الفراعنة الآخرين


الأدلّة كلّها بتُشير لنا و بوضوح
إلى أن رمسيس الثانى هو فِرْعَوْن الخروج
وأنه هو فِرْعَوْن اللي غرق وهو بيطارد بنى إسرائيل
والله أعلم
ـــــــــــــــــــــــــــــــــــــــــــــــ